Okkar spor

Myndlistasýning þriggja kvenna þær sýna myndlist og leirlist.

Brynja Jóhannsdóttir:

Verkin mín eru olíumálverk, unnin á mismunandi tímum og þess vegna að mörgu leyti ólík. Þau eiga það þó sameiginlegt að vísa í náttúruna og lífið, oft með abstract áhrifum. Ég legg áherslu á kyrrð, einfaldleika, form og liti.

Heiðrún Hannesdóttir:

Í gegnum tíðina hef ég málað meira með olíu en er nú að prófa akrýlinn líka. Leita mikið í náttúruna og mannlífið. Hef einnig gaman að því að gera tilraunir.

Ingigerður Guðmundsdóttir:

Á síðustu árum hef ég mest verið að vinna í leir en aðeins verið að mála með olíu líka. Ég fæ innblástur frá náttúrunni, fuglar, fólk og blómin eru ofarlega í huga mínum og leik mér gjarnan með formin og liti, tek það frá raunheimum í minn heim.