Opinn vinnuskúr hjá Ernu Hafnes

Erna Hafnes er myndlistarkona frá Akranesi sem hefur um árabil skapað sér sérstöðu með persónulegum og litríkum verkum. Í listsköpun sinni sækir hún innblástur í umhverfi sitt, upplifanir og daglegt líf, sem endurspeglast í fjölbreyttum og áhugaverðum verkum hennar.

Ár hvert á Vökudögum opnar Erna dyr vinnustofu sinnar og býður gestum að líta inn í þann skapandi heim sem þar býr. Þar gefst tækifæri til að skoða verk hennar, kynnast vinnuferlinu og sjá aðstöðuna þar sem hugmyndir verða að myndlist.

Þetta er einstakt tækifæri til að hitta listamanninn, fræðast um sköpunarferlið og upplifa vinnustofuna hennar.

Verið hjartanlega velkomin í opinn vinnuskúr Ernu Hafnes.